Fransiýanyň Premýer ministri wezipesinden çekildi
Ýanwar 09, 2024 | 12:52 |6653
Elizabet Born Fransiýanyň Premýer ministri wezipesinden çekildi. “Ýeliseý” köşgüniň habar bermegine görä, Prezident Emmanuel Makron Bornyň wezipeden boşatmak baradaky ýüztutmasyny kabul etdi we oňa alyp baran işi üçin minnetdarlyk bildirdi.
“Halkymyzyň bähbitleri ugrunda alyp baran işleriňiz nusgalykdyr. Size tüýs ýürekden minnetdarlyk bildirýärin” diýip, Fransiýanyň döwlet Baştutany özüniň “X” hasabynda mälim etdi.
30 ýyldan bäri bu wezipäni eýelän ilkinji aýal bolan Elizabet Born täze Hökümet agzalary bellenýänçä Premýer ministr bolmagyny dowam etdirer.
Born 2022-nji ýylyň maý aýyndan bäri ýurduň hökümetine ýolbaşçylyk edýär. Ondan öň ol ýurduň zähmet ministri, ekologiýa geçiş ministri we ulag ministri bolup işledi.
ORIENT news
