Saud Arabystany nebitiň dünýädäki bahasyny arzanlatdy

Ýanwar 08, 2024 | 15:47 |9426

Saud Arabystanynyň döwlet kompaniýasy – “Saudi Aramco” nebite bolan islegiň peselmeginiň netijesinde ähli sebitlerde “Arab Light” markaly nebitiň fewraldaky satuwynyň bahasyny arzanlatdy. Bu barada “Bloomberg” neşiri habar berýär.

Aziýa döwletlerine nebitiň barrelini satmagyň bahasy 1,5 – 2 dollar möçberinde peseldildi. Demirgazyk-günbatar Ýewropa, Ortaýer deňiz we Demirgazyk Amerika döwletleri üçin-de bahalar arzanladyldy.

Däp bolşy ýaly, fewral we mart aýlarynda nebiti gaýtadan işleýän zawodlaryň meýilnamalaýyn tehniki işleri geçirmek üçin wagtlaýyn öz işlerini duruzmagy netijesinde, nebitiň sarp edilişi pese düşýär.

ORIENT news