Bangladeşiň Premýer-ministri ýurduň parlamentine gaýtadan saýlandy
Ýanwar 08, 2024 | 12:20 |9100
Bangladeşiň Premýer-ministri, ýurduň dolandyryjy “Awami ligasy” partiýasynyň baştutany Şeýh Hasina ýekşenbe güni geçirilen parlament saýlawlarynda ýeňiş gazandy. Bu barada bdnews24 neşiri ýurduň Milli saýlaw toparyna salgylanyp habar berýär.
“Gopalganj-3” saýlaw okrugyna wekilçilik eden 76 ýaşly Şeýh Hasinany goldap 249 965 adam ses berdi. Onuň esasy garşydaşy Atikur Rahman 6,999 ses aldy.
Partiýanyň dalaşgärleri hem ýurduň saýlaw uçastoklarynyň köpüsinde öňde barýarlar.
Ilkinji çaklamalara görä, saýlawçylaryň saýlawlara gatnaşygy 40 göterime golaýlaýar. Emma ýurduň baş saýlaw komissary Kazi Habibul Awalyň pikiriçe, bu görkeziji geljekde üýtgäp biler.
Şeýh Hasina 2009-njy ýyldan bäri Bangladeşiň Premýer-ministridir.
ORIENT news
