Türkmenistanyň we Azerbaýjanyň özara söwda dolanyşygy 73 göterim artdy
2023-nji ýylyň ýanwar - noýabr aýlarynda Türkmenistanyň we Azerbaýjanyň arasyndaky söwda dolanyşygynyň pul hasabyndaky möçberi 738 million 966 müň dollara barabar boldy. Bu barada "Azeri-Press" habarlar agentligi Azerbaýjanyň Döwlet gümrük komitetiniň maglumatlaryna salgylanyp habar berýär.
Bellenişine görä, bu görkeziji geçen ýylyň degişli döwründäkiden 73 göterim ýa-da 311,8 million dollar köpdür. 2022-nji ýylyň ýanwar - noýabr aýlarynda iki ýurduň özara söwda dolanyşygynyň möçberi 427 milllion dollara barabar bolupdy.
Habar berlişine görä, degişli döwürde Azerbaýjanyň Türkmenistana eksporty 4 esse artyp, jemi 77,3 million dollara, Türkmenistanyň goňşy döwlete eksporty bolsa, 62,4 göterim ösüp, umumylykda 661,6 million dollara barabar boldy.
ORIENT news
