Miсrosoft ABŞ-nyň iň gymmat bahaly kompaniýasy bolup biler
Miсrosoft kompaniýasy ABŞ-nyň iň gymmat bahaly kompaniýasy diýen ady özüne gaýtaryp almaga ýakynlaşýar.
Munuň üçin ol bahasy 2,83 trillion dollar bolan Apple kompaniýasyndan öňe geçmeli. Miсrosoft-yň häzirki bazar bahasy 2,73 trillion dollar.
Miсrosoft-ňy paýnamalarynyň bahasynyň gymmatlamagy dünýäde korporatiw çykdajylaryň artmagy bilen şertlendirilendir. Bu bolsa öz gezeginde Azure bulut hasaplamalary biznesiniň ösmegine ýardam berýär.
Miсrosoft-yň işiniň bu ugry emeli intellektiň esasyndaky tehnologiýalaryň meşhurlygynyň artmagyndan utuş gazanýar.
Emeli intellekt tehnologiýalary Miсrosoft-a özüniň bu ulgamdaky esasy bäsdeşinden—Google-den öňe geçmäge ýardam berdi.
2023-nji ýylda Miсrosoft-yň paýnamalarynyň bahasy 57 %, Apple-iňki bolsa 47 % artdy. Mundan başga-da 2024-nji ýylyň başynda Miсrosoft-yň paýnamalary Apple-kä garanyňda kän bir arzanlamady.
ORIENT news
