“Türkmenistan” awiakompaniýasy Aşgabat – Abu-Dabi ugry boýunça uçuşlary gaýtadan dikeltdi
Ýanwar 04, 2024 | 23:42 |8012
“Türkmenistan” awiakompaniýasy” açyk görnüşli paýdarlar jemgyýeti Aşgabat – Abu-Dabi – Aşgabat ugry boýunça ýolagçy uçar gatnawlarynyň gaýtadan dikeltdi. Onuň ilkinji uçuşy şu gün – 5-nji ýanwarda ýerine ýetirilýär. Şu mynasybetli awiakompaniýa degişli ugruň ilkinji uçuşynyň biletlerine 50 göterim arzanladyş yglan edýär.
Bu barada awiakompaniýanyň resmi web-saýty habar berýär.
Degişli ugra ýolagçy uça gatnawlarynyň gaýtadan dikeldilmegi türkmen halkynyň Milli Lideri, Gurbanguly Berdimuhamedowyň Birleşen Arap Emirliklerine saparynyň wagty bilen gabat geldi. Bu saparyň barşynda ulag ulgamyndaky hyzmatdaşlyga aýratyn orun berilýär.
ORIENT news
