Türkmenistan we Owganystan elektrik energiýasyny ibermek hakynda şertnama baglaşdylar
"Da Owganystan Breşna Şerkat" (DABS) kompaniýasynyň baş ýerine ýetiriji direktory Breşna Şerkat Alhaj mulla Muhammad Hanif Hamzanyň ýolbaşçylygyndaky owgan wekiliýetiň Türkmenistana bolan iki günlük iş saparynyň dowamynda ýurduň energetika ministri Annageldi Saparow we “Türkmenenergonyň” ýolbaşçylary bilen duşuşyklary geçirdi. Saparyň dowamynda 2024-nji ýyl üçin energiýa üpjünçilik şertnamasyna gol çekildi.
Bu şertnama laýyklykda dört ugra: Andhoý, Akina, Badgis we Turgundi-Gerat ugurlary boýunça 1.8 milliard kilowat sagat energiýa iberiler. Mundan başga-da, Şybyrgandan Argandaýa çenli uzaýan 500 kW elektrik geçirijiniň tamamlanjakdygy aýdyldy. Türkmenistandan has köp elektrik satyn almaga mümkinçilik berjek bu geçiriji ýaňy-ýakynda açyldy diýip, Owganystanyň hökümetiniň metbugat merkezi (GMIC) habar berýär.
Duşuşykda Gerat welaýatynda ýerleşýän “Nurul Jihad” podstansiýasynyň taslamasy hem ara alnyp maslahatlaşyldy. Bu taslama üçin şertnama "Breşna" bilen "Türkmenenergo" komapniýalarynyň arasynda gol çekildi.
Owgan tarapy hyzmatdaşlyk üçin türkmen tarapyna minnetdarlyk bildirdi.
ORIENT news
