Gyrgyzystan parahatçylygyň, howpsuzlygyň we durnukly ösüşiň hatyrasyna Bitaraplygyň dostlary toparyna goşuldy
Bitaraplygyň dostlary toparynyň resmi agzasy boldy. Bu topar Türkmenistanyň başlangyjy bilen döredilipdi.
Bu barada BMG-niň ýanyndaky Türkmenistanyň hemişelik wekilhanasy habar berýär.
Täze agzalar Toparyň işine gymmatly bilimlerini we tejribelerini getirer hem-de hemmeler üçin ygtybarly we dowamly geljegi gurmak üçin bitaraplyk syýasatynyň özgerdiji mümkinçiliklerini ulanmaga kömek eder.
Parahatçylygyň, howpsuzlygyň we durnukly ösüşiň hatyrasyna Bitaraplygyň dostlary topary BMG-nyň howandarlygyndaky resmi däl gurluş bolup, ählumumy parahatçylygy we howpsuzlygy gazanmakda bitaraplyk ýörelgelerini iş ýüzünde ulanmak boýunça köptaraplaýyn dialogy ösdürmäge niýetlenendir.
Häzirki wagtda 20-den gowrak ýurt Bitaraplygyň dostlary toparynyň agzasydyr. Olar hususanda, BMG-niň Baş Assambleýasynyň 2017-nji ýylyň 2-nji fewralynda kabul eden "Halkara Bitaraplyk güni", 2020-nji ýylyň 7-nji dekabrynda kabul edilen "Halkara parahatçylygy, howpsuzlygy we durnukly ösüşi pugtalandyrmakda Bitaraplyk syýasatynyň eýeleýän orny we ähmiýeti" atly Kararnamalarynyň awtordaşlarydyr.
2020-nji ýylyň 27-nji awgustynda Nýu-Ýorkda parahatçylygyň, howpsuzlygyň we durnukly ösüşiň hatyrasyna Bitaraplygyň dostlary toparynyň ilçiler derejesindäki ilkinji we 2022-nji ýylyň 10-njy dekabrynda Aşgabatda bolsa bu Toparyň ministrler derejesindäki ilkinji mejlisi geçirildi.
ORIENT news
