TDHÇMB-däki söwdalaşyklar: ýeňil senagatyň önümleri satyldy
Dekabr 28, 2023 | 13:36 |11740
27-nji dekabrda Türkmenistanyň Döwlet haryt-çig mal biržasynda geçirilen söwdalaşyklarda daşarky bazarda ýeňil senagatyň önümleri satyldy.
Birleşen Arap Emirlikleriniň we Gyrgyz Respublikasynyň işewürleri ýerli kärhanalardan dürli reňklerdäki we ölçeglerdäki düz boýalan žakkard sütükleri, uly ýaşly adamlar üçin hammam halatlary, boýalan "Wafli" matalary, "Gabardin" we "Panama" çig nah matalary, iki adamlyk taýýar "Flanel" düşekçe toplumlaryny satyn almak barada geleşik baglaşdylar.
Söwdalaşyklaryň barşynda jemi bahasy 176 müň 65 ABŞ dollaryna deň bolan 5 geleşik baglaşyldy.
Türkmenistanyň Döwlet haryt-çig mal biržasynda geçirilýän söwdalaşyklar barada giňişleýin şu salgy boýunça öwrenip bilersiňiz.
ORIENT news
