Türkmen we german teleýaýlymlary hyzmatdaşlyk gatnaşyklaryny ýola goýýar
Türkmenistanyň Telewideniýe we radiogepleşikler baradaky döwlet komitetiniň, Halkara habarlar merkeziniň wekilleri ýurduň Daşary işler ministrliginiň ýardam etmeginde Germaniýanyň “ZDF” we “MDR/ARD” teleýaýlymlaryndaky kärdeşleri bilen gepleşikleri geçirdiler.
20-21-nji dekabrda sanly ulgam arkaly geçirilen tanyşdyryş gepleşiklerinde köpçülikleýin habar beriş serişdeleri ulgamynda hyzmatdaşlygy ösdürmegiň geljegine garaldy.
Maglumat syýasaty pudagynda hyzmatdaşlygy ýola goýmak we ösdürmek, milli habar beriş serişdelerini dünýä habarlar giňişligine uýgunlaşdyrmak, Garaşsyz, Bitarap döwletiň durmuşyny giňişleýin beýan etmek Türkmenistanyň esasy ugurlarynyň biridir.
Germaniýanyň teleýaýlymlarynyň wekilleri öz gezeginde Türkmenistan, onuň medeniýeti, däp-dessurlary, durmuşy, durmuş-ykdysady özgertmeleri, energetika kuwwaty barada dokumental filmleri düşürmäge gyzyklanma bildirdiler.
“ZDF” we “MDR/ARD” GFR-iň esasy media birleşikleri bolup, onuň düzümine döwlet ýaýlyma beriş guramalary girýär.
ORIENT news
