Azerbaýjana barýan türkmenistanly syýahatçylaryň sany artýar
Şu ýylyň ýanwar – noýabr aýlarynda Merkezi Aziýa ýurtlaryndan 121 467 syýahatçy bardy. Bu geçen ýylyň degişli döwründäki görkezijiden 83 göterim köpdür. Bu barada “Azernews” habar berýär.
Azerbaýjanyň Döwlet syýahatçylyk agentliginiň habar bermegine görä syýahatçylaryň sanynynyň ösüşi boýunça iň ýokary depgin Türkmenistana degişlidir. Has takygy, Türkmenistandan gelýän syýahatçylaryň sany iki ýarym esse (geçen ýylyň degişli döwri bilen deňeşdirilende 2,46 esse) artyp, jemi 23 401 syýahatça deň boldy.
Degişli döwürde iň köp syýahatçy Gazagystandan we Özbegistandan geldi. Geçen 11 aýda bu ýurtlardan degişilikde jemi 53 249 (90,7% ösüş) we 35 222 (49,7% ösüş) syýahatçy Azerbaýjana geldi. Şeýle hem Gyrgyzystandan 5 181 (49,7% ösüş) we Täjigistandan 4 411 (78,3% ösüş) adam ýurda syýahat etdi.
Hasabat döwründe jemi 1 893 679 syýahatçy (29,8% ösüş) Azerbaýjana syýahat etdi.
Ýurduň syýahatçylyk pudagynyň wekilleri ýakyn ýyllarda syýahatçylaryň sanyny artdyrmagy maksat edinýärler. Olaryň çaklamalaryna görä, 2026-njy ýyla çenli her ýyl Azerbaýjana gelýän syýahatçylaryň sany 4 million adama ýeter
ORIENT news
