Ýelli harasatda ýiten 4 aýlyk çaga agaç şahalarynyň “sallançagynda” uklap ýatan ýagdaýda tapyldy
Güýçli ýel göçürip bolýan öýüň diwarlaryny weýran edende Sidni Mur sallançakda ýatan Lord diýip at beren bäbejigine topuldy. Ýöne ony tutup ýetişmedi. Ol diňe bäbejikli sallançagyň tupanyň girdabyna düşüp, gözden ýitenini gördi.
Onuň ulagynyň daşky görnüşi sandan çykyp, ABŞ-nyň Tennesi ştatynyň Klarkswil şäherindäki göçme öýi we onuň töweregi doly weýran boldy.
Sidniniň aňyny 4 aýlyk oguljygyny indi hiç wagt görüp bilmerin gorkusy gurşap aldy. Muňa garamazdan, ol bäbejigini yhlasly gözledi.
We gudrat bolup geçdi.
“Çaganyň düşen ýeri agaçdan ýasalan sallançaga meňzeşdir” diýip, Mur “WSMV” teleýaýlymyna beren interwýusynda mälim edýär. Onuň çagasy ýykylan agajyň egri ýerine zelel ýetmesiz we sagdyn galypdyr. Sidniniň uýasynyň aýtmagyna görä, kiçijik Lordy hamala perişde tupandan halas edip, sallançaga meňzeş agaçda goýup giden ýaly.
Sidniniň uýasy Keýtlin maşgalanyň ýitiren maddy ýitgileriniň öwezini dolmak üçin “GoFundMe” haýyr-sahawat çäresini gurady. Onda eýýäm 68 müň dollar pul ýygnaldy.
ORIENT news
