XI Türkmen-german lukmançylyk forumy - saglygy goraýyş ulgamy boýunça bilermenleriň dialogynyň ösüşi
XI Türkmen-german lukmançylyk forumy sanly ulgam arkaly gurnalyp - iki ýurtdan bolan kärdeşleriň duşuşygy 14-15-nji dekabr aralygynda uzak aralykdan geçirilýär.
Simpoziuma GFR-nyň öňdebaryjy klinikalarynyň professorlary we lukmanlary, Myrat Garryýewiň adyndaky Türkmenistanyň Döwlet lukmançylyk uniwersitetiniň professor-mugallymlary, ylmy we kliniki merkezleriň we saglygy goraýyş edaralarynyň ýolbaşçylary we hünärmenleri gatnaşdylar.
Duşuşygyň dowamynda dürli keselleriň öňüni almak, irki anyklaýyş we bejermek, gyssagly kömek hyzmatlaryny guramak, onkologiýa, trawmatologiýa, ortopediýa ýaly möhüm ugurlardaky özara gatnaşyklaryň meselelerine seredildi. Bu barada “Watan” habarlar gepleşiginde aýdyldy.
Türkmen-german lukmançylyk forumy 2011-nji ýyldan bäri, Saglygy goraýyş we derman senagaty ministrligi bilen Germaniýanyň Ýokary derejeli bilermenler gullugynyň (SES) arasynda ýakyn hyzmatdaşlygyň başlaly bäri yzygiderli geçirilýär. Bu özara gatnaşyklaryň çäginde 192 nemes professory tejribe alyşmak üçin uzak wagtlap Türkmenistana çagyryldy. Bilermenler dürli ugurlar boýunça seminarlar geçirýärler, şeýle hem, çylşyrymly neýrohirurgiki amallary, radiasiýa diagnostikasy we angiografiýa ugry we ortopediki we beýleki şikesli näsaglary bejermegiň iň soňky usullary boýunça hünärmenleri taýýarlaýarlar. Takmynan 400 türkmen lukmany Germaniýanyň belli klinikalarynda tejribe geçdiler.
X Türkmen-german forumy 2023-nji ýylyň ýanwar aýynda sanly ulgam arkaly geçirilipdi.
Mundan başga-da, taraplar lukmançylyk ylmynyň we tejribäniň käbir meseleleri boýunça wagtal-wagtal webinarlary hem gurnaýarlar.
ORIENT news
