Türkmenistanyň Daşary işler ministrliginde BMG-niň Ilat gaznasy bilen hyzmatdaşlyk meseleleri maslahatlaşyldy
14-nji dekabrynda Türkmenistanyň daşary işler ministriniň orunbasary Mähri Bäşimowanyň “Dialog-parahatçylygyň kepili” atly halkara foruma gatnaşmak üçin Aşgabada gelen, BMG-niň Ilat gaznasynyň (UNFPA) gender meseleleri boýunça geňeşçisi Leýla Şarafi bilen duşuşygy geçirildi.
Duşuşykda taraplar Türkmenistanyň jemgyýetçilik-syýasy durmuşyň ähli ugurlaryna aýal-gyzlaryň deň gatnaşmak ýörelgelerini güýçlendirmeklige gönükdirilen işjeň gender syýasatyny alyp barýandygyny nygtadylar.
Türkmenistanyň 1996-njy ýyldaky BMG-niň zenanlar barada kemsitmäniň ähli görnüşlerini ýok etmek hakynda halkara Konwensiýasy we onuň 2009-njy ýyldaky Goşmaça Teswirnamasy boýunça borçnamalaryna ygrarlydygy beýan edildi.
UNFPA bilen gender taýdan deňligi, reproduktiw saglygy we beýleki ugurlary ösdürmek, şeýle hem bu ugurda kanunçylygy kämilleşdirmek babatynda has ýakyn hyzmatdaşlygy dowam etdirmek barada pikir alyşmalar boldy.
ORIENT news
