Ilon Mask özüniň uniwersitetini döretmekçi

Dekabr 15, 2023 | 12:01 |5146

ABŞ-ly işewür, “SpaceX” kompaniýasynyň esaslandyryjysy Ilon Mask özüniň uniwersitetini döretmek isleýär. Bu barada “Bloomberg” neşiri habar berýär.

Mälim edilişine görä, täze bilim edarasy STEM ugruna – tebigy ylymlar, tehnologiýa, inženerçilik we matematika bilimlerine ýöriteleşer.

Ol ABŞ-nyň Tehas ştatynyň Ostin şäherinde gurlar. Bilim edarasy özüniň ösüşiniň başky tapgyrlarynda ilki başlangyç we orta bilim mekdebi bolar. Soňra ol uniwersitet derejesine çenli ösdüriler.

Ilon Mask okuw mekdebi barada heniz hiç zat aýtmaýar.

ORIENT news