"Uolk-stritiň gurdy" atly filmdäki DiKaprionyň "Lamborghini" ulagy $1,66 milliona satyldy
"Uolk-stritiň gurdy" atly meşhur filmde baş gahrymanyň keşbini janlandyran DiKaprionyň "Lamborghini Countach" kysymly ulagy Nýu-Ýorkda geçirilen "Sotheby's" auksionynda $1,655 milliona satyldy. Bu ulag 1989-njy ýylda öndürilendir.
Bu degişli kysymdaky ulagy satyn almak üçin goýlan iň ýokary bahadyr. Şu görnüşli iň gymmat ulag iň soňky gezek $880 müň dollara satyn alnypdy.
Martin Skorsezeniň bu filminde meňzeş iki awtoulag görkezilýär. Olaryň biri ýol heläkçiligine uçran sahnada zelel ýeten görnüşde görkezilýär. Zeper ýetirilen bu ulag hem ozal auksionda satyldy, ýöne beýle gymmat bahada ýerlenmedi.
"Sotheby's" atly ýöriteleşdirilen sergide jemi bahasy $13,61 milliona barabar ulaglar satyldy. Iň gymmat bahada, ýagny $2,4 milliona 1953-nji ýylda çykarylan "Fiat 8V Supersonic" awtoulagy satyldy. Bu modelli ulagyň diňe 14 sanysy ödürilipdir. Satylan ulagyň geçen döwürde 4 sany eýesi bolupdyr we hiç-hili sürülmändir.
ORIENT news
