Ýerewanda deňze çykalgasy bolmadyk ösüp barýan ýurtlaryň ministrleriniň duşuşygy geçiriler
“Armenpress” habarlar gullugynyň berýän habaryna görä, 14-15-nji dekabr aralygynda Ýerewanda deňze çykalgasy bolmadyk ösüp barýan ýurtlaryň ministrler duşuşygy geçiriler.
Duşuşygyň BMG bilen bilelikde Ermenistanda geçirilen iň uly çäreleriň biri boljakdygy bellenildi. Oňa Botswana we Nepalyň daşary işler ministrleri, Zimbabweniň, Eswatininiň we Lesotonyň ulag ministrleri, Malawiniň syýahatçylyk ministri, Gruziýanyň we Paragwaýyň daşary işler ministrleriniň orunbasarlary hem-de Türkmenistanyň, Gazagystanyň we Täjigistanyň ulag ministrleriniň orunbasarlary ýaly 30-dan gowrak daşary ýurt wekiliýeti gatnaşar.
Bu çäre, 2024-nji ýylda Ruandanyň Kigali şäherinde geçiriljek BMG-niň deňze çykalgasy bolmadyk ösüp barýan ýurtlar boýunça Üçünji maslahatynyň öňisyrasyndaky resmi tematiki duşuşykdyr.
Hazar deňziniň kenaryndaky Türkmenistanyň Awaza milli syýahatçylyk zolagynda 2022-nji ýylyň awgust aýynda deňze çykalgasy bolmadyk ösüp barýan ýurtlaryň ministrler derejesinde ulag konferensiýasy geçirildi. Soňra BMG-niň howandarlygynda 40 töweregi ýurduň wekilleri we ulag, durnukly ösüş we maliýeleşdirmek bilen baglanyşykly 30-dan gowrak halkara guramasy bir ýere ýygnandy.
ORIENT news
