Biržada nebithimiýa, ýeňil senagatyň önümleri we el halylary satyldy
Dekabr 13, 2023 | 14:28 |4686
11-nji dekabrda Türkmenistanyň Döwlet haryt çig-mal biržasynda geçiriln söwdalaşyklarda içerki we daşarky nebithimiýa, ýeňil senagatyň önümleri we türkmen el halylary satyldy.
Owganystanly işewürler "Türkmenhimiýa" döwlet konserninden "B" kysymly karbamid satyn almak barada geleşik baglaşdylar.
Içerki bazarda türkmen işewürleri "Türkmenhimiýa" döwlet konserninden "A" kysymly tehniki ýody, "BND 60/90" kysymly şepbeşik nebit ýol bitumyny, "SN-180" kysymly başlangyç ýagyny, Türkmenistanyň Dokma senagaty ministrliginden aşgarlanmadyk nah ýüplük we türkmen el halylaryny satyn almak barada geleşikleri baglaşdylar.
Söwdalaşyklaryň barşynda jemi bahasy 185 709 453 manada we 625 000 ABŞ dollaryna deň bolan 14 geleşik baglaşyldy.
ORIENT news
