Iri “Galkynyş” gaz käninde 14 sany täze guýy gurlar
“Türkmengaz” döwlet konserni “Galkynyş” gaz käninde 14 sany gazyp alyjy guýy gurmakda hyzmat ediji taraplary saýlap seçmek boýunça halkara bäsleşik yglan etdi. Bu baradaky degişli bildiriş resmi türkmen metbugatynda çap edildi.
Bäsleşige gatnaşmak üçin degişli arzany tabşyrmak, teklipler bäsleşigine gatnaşmak üçin tölegiň geçirilendigi baradaky hasaby almak hem-de degişli pudakda Türkmenistanyň kanunçylyk-hukuk namalary bilen habarly bolmak zerurdyr.
Bäsleşige gatnaşjaklaryň teklipleri 30 iş gününiň dowamynda Aşgabat şäheriniň Arçabil şaýolynyň 56-njy jaýynda ýerleşýän Türkmenistanyň Nebitgaz toplumynyň edara binasynda konserniň daşary ykdysady aragatnaşyklar müdirliginde kabul edilýär.
Habarlaşmak üçin telefon belgisi: (+99312) 40-32-40.
ORIENT news
