Türkmenistan we FAO ýer kadastrynyň elektron ulgamy üçin esaslary döredýärler
BMG-niň Azyk we oba hojalyk meseleleri boýunça guramasynyň (FAO) wekilleri Türkmenistanyň ministrlikleriniň we pudaklaýyn dolandyryş edarlarynyň ýolbaşçylary bilen gepleşikleri geçirdiler. Olarda ýer kadastrynyň elektron ulgamy üçin institusional esaslary döretmek meseleleri ara alnyp maslahatlaşyldy. Bu barada Türkmenistanyň resmi metbugaty habar berýär.
“Türkmenistan ýer dolandyryş, geodeziýa we kartografiýa işini gowulandyrmak we sanly ulgama geçirmek boýunça çäreleri durmuşa geçirip başlady. Bu işler öz gezeginde ýer kadastrynyň elektron ulgamy we ýer serişdeleriniň netijeli ulanylmagy üçin esaslary döredýär” diýip, Oba hojalyk ministrliginiň hünärmeni habar berýär.
FAO-nyň hünärmenleri hemra aragatnaşygy arkaly işleýän hem-de kartografiki maglumatlaryň arhiwleşdirilmegini aňsatlaşdyrýan programmalary ýygnananlara tanyşdyrdy. Dowam edýän bilelikdäki taslamanyň maddy-enjamlaýyn binýady berkitmäge we bu ugurda tejribe hem-de bilimleri alyşmaga gönükdirilendigi bellendi.
Mundan başga-da BMG-niň hünärmenleri S.A.Niýazow adyndaky Türkmen oba hojalyk uniwersitetiniň talyplaryna sapak berdiler hem-de Ahal welaýatynyň Gökdepe etrabynyň çäginde ýerleşýän stansiýanyň we işleýşini synagdan geçirdiler.
ORIENT news
