Türkmenistanyň DIM-niň ýolbaşçysy Eýranyň daşary işler ministriniň orunbasaryny kabul etdi
Ýekşenbe güni, 10-njy dekabrda Türkmenistanyň daşary syýasat edarasynyň ýolbaşçysy Raşid Meredow “Dialog – parahatçylygyň kepili” şygary bilen geçirilýän halkara maslahatyna gatnaşmak üçin türkmen paýtagtyna gelen Eýran Yslam Respublikasynyň daşary işler ministriniň orunbasary Reza Najafi bilen duşuşdy.
Ara alyp maslahatlaşmalaryň dowamynda taraplar söwda-ykdysady gatnaşyklary ösdürmek meselesiniň üstünde durup geçdiler, şeýle hem ulag, ýangyç-energetika ulgamynda we hususan-da, gaz we elektrik energiýasy pudagyndaky hyzmatdaşlygyň geljegine ünsi çekdiler.
Söhbetdeşler dostlukly döwletleriň arasyndaky ikitaraplaýyn gatnaşyklaryň mundan beýläk-de ösdürilmeginiň bir bölegi hökmünde iň ýokary we ýokary derejeli saparlaryň we duşuşyklaryň ähmiýetini bellediler.
Taraplar medeni-ynsanperwer hyzmatdaşlygy türkmen-eýran hyzmatdaşlygynyň ösüşiniň esasy ugurlaryndan biri hökmünde kesgitlediler we onuň iki ýurduň taryhy, ruhy we medeni gymmatlyklarynyň we däp-dessurlarynyň umumylygyna esaslanýandygyny bellediler.
ORIENT habarlary
