Rus dili bäsleşigine 200-e golaý türkmen okuwçysy gatnaşýar
Russiýanyň Aşgabatdaky ilçihanasynyň bilim, ylym we medeniýet bölümi tarapyndan A.S. Puşkin adyndaky Döwlet rus dili institutynyň goldawy bilen, geçirilen rus dili boýunça bäsleşigine türkmen mekdeplerinden 9-11-nji synp okuwçylarynyň 196-sy gatnaşdy. Bu barada Türkmenistandaky Rushyzmatdaşlygyň wekili we ýurtdaky RF-nyň ilçihanasynyň birinji sekretary Ýuliýa Zaýtsewa metbugata habar berdi.
Şeýle hem Zaýtsewa A.S. Puşkin adyndaky türkmen-rus mekdebiniň okuwçylarynyň bu bäsleşige işjeň gatnaşýandygyny belledi.
Halkara bäsleşigiň uzak aralykdan geçirilýändigini ýatladýarys: orta mekdepleriň 9-11-nji synp okuwçylary A.S. Puşkin adyndaky Döwlet rus dili institutynyň portalyndaky ýumuşlary hem ýerine ýetirmäge hem gatnaşyp bilerler. Lingwistik bäsleşigine gatnaşan ähli mekdep okuwçylary, Rushyzmatdaşlygyň kwotalary boýunça ýokary bilim programmalaryna ýazylanda artykmaç hukuklary we goşmaça ballary berýän ýörite şahadatnamalar alarlar. Bäsleşik 25-nji dekabra çenli dowam eder. Ýeňijilere (I - III orunlar) gymmat bahaly baýraklar we atly diplomlar berler.
ORIENT news
