Gazagystan Türkmenistanyň we Eýranyň üsti bilen Ýewropa ýükleri daşar
Gazagystanyň Ulag ministrligi ýurduň logistika kompaniýalarynyň Ýewropa ýük daşanlarynda Günorta ulag geçelgesinde peýdalananlarynda erkin üstaşyr geçişi üpjün etmek maksady bilen Türkmenistanyň we Eýranyň degişli edaralary bilen gepleşikleri geçirdi. Bu barada Gazagystan Respublikasynyň ulag ministriniň orunbasary Satžan Ablaliýew ýurduň Hökümet mejlisinde mälim etdi.
Onuň sözlerine görä, bu çäreler Belarus-Litwa we Latwiýa serhetlerinde gazak ulaglarynyň eglenýän wagtynyň artmagy sebäpli geçirilýär.
Ablaliýewiň pikiriçe, soňky ýyllarda Gazagystandan Ýewropa ýurtlaryna harytlary eksport we import etmekde oňyn ýörelgeler kemala getirildi. Şunuň netijesinde Hytaýdan üstaşyr ýükleriň mukdary iki esse artdy.
Gazagystan Respublikasynyň Ulag ministrligi Gazagystanyň ulag düzümleriniň daşaýan ýükleriniň Eýranyň üsti bilen Pars aýlagynyň portlaryna we BAE-den Hindistana we Pakistanyň ýük transport bazaryna girip bilmek meselesiniň üstünde işleýär.
ORIENT news
