Şuşada türki dünýäsiniň medeni syýahatçylygy boýunça halkara maslahat geçirilýär
Şuşada “Türki dünýäsiniň medeni syýahatçylygynyň geljegi” atly halkara ylmy maslahaty geçirilýär.
“Report”-yň berýän habaryna görä, Azerbaýjanyň Döwlet syýahatçylyk gullugy we Türki Döwletleriň Guramasy (TDG) tarapyndan geçirilen bu çäräniň maksady, bilelikdäki syýahatçylyk önümlerini we türk dilli döwletleriň ugurlaryny döretmek barada pikir alyşmak şeýle-de birlikde bu ugurda hyzmatdaşlygyň geljegini ara alyp maslahatlaşmak boldy.
Çärä resmi gurluşlaryň wekilleri, Azerbaýjanyň, Türkiýäniň, Gazagystanyň, Gyrgyzystanyň, Özbegistanyň, Türkmenistanyň we Wengriýanyň medeni miras boýunça hünärmenleri gatnaşýar.
TDG-na agza ýurtlaryň wekilleri “Türki dilli ýurtlaryň çarwa durmuşyny syýahatçylyk önümine öwürmek” temasynda çykyş etdiler. Ýitmek howpy astyndaky çarwa durmuş ýolunyň türki halklarynyň arasynda, şol sanda Azerbaýjanda-da dowam edýändigi bellendi.
Çäräniň çäginde Azerbaýjanyň, Türkiýäniň, Gazagystanyň, Gyrgyzystanyň, Özbegistanyň we Türkmenistanyň milli naharlarynyň tanyşdyrylyş dabarasy hem geçirildi.
ORIENT news
