Türkmenistan Zambiýa Respublikasy bilen hyzmatdaşlyga gyzyklanma bildirýär
Türkmenistanyň Prezidenti Serdar Berdimuhamedow diplomatik gatnaşyklaryň ýola goýulmagynyň 30 ýyllygy mynasybetli Zambiýa Respublikasynyň Prezidenti Hakainde Hiçilemany gutlady. Bu barada Türkmenistanyň Döwlet habarlar agentligi mälim edýär.
“Biziň döwletlerimiziň arasyndaky gatnaşyklar birek-birege hormat goýmak, deňhukuklylyk we özara ynanyşmak ýörelgelerine esaslanýar. Türkmenistan ikitaraplaýyn gatnaşyklaryň giňeldilmegine gyzyklanma bildirýär. Ýurtlarymyzyň arasyndaky hyzmatdaşlygyň geljekde bilelikdäki tagallalar esasynda mundan beýläk-de ösdüriljekdigine ynanýaryn” diýip, Prezident Serdar Berdimuhamedow hatynda belledi.
Türkmenistanyň Prezidenti şu mümkinçilikden peýdalanyp, Prezident Hakainde Hiçelema tüýs ýürekden berk jan saglyk, bagtyýarlyk, abadançylyk, Zambiýa Respublikasynyň halkyna bolsa mundan beýläk-de rowaçlyk hem-de gülläp ösüş arzuw etdi.
ORIENT news
