GDA ýurtlarynyň Prezidentleriniň resmi däl duşuşygy 26-njy dekabrda Sankt-Peterburgda geçiriler
GDA agza ýurtlaryň döwlet Baştutanlarynyň resmi däl duşuşygy 26-njy dekabrda Sankt-Peterburgda geçiriler. Muny GDA-nyň Baş sekretary Sergeý Lebedew habar etdi.
“25-26-njy dekabr aralygynda Sankt-Peterburgda hem iki möhüm çäre geçiriler. Bu, Ýewraziýa Ykdysady bileleşiginiň 25-nji dekabrda Prezidentler derejesindäki Ýokary geňeşi we 26-njy GDA ýurtlarynyň Prezidentleriniň resmi däl duşuşygy”-diýip, GDA-nyň Ýerine ýetiriji komitetiniň Minskde bolup geçýän Arkalaşygyň agza ýurtlarynyň Hemişelik wekilleriniň Geňeşiniň nobatdaky mejlisi başlamazdan ozal aýdyp geçdi.
Lebedew "Russiýa Federasiýasynyň Prezidenti Wladimir Wladimirowiç Putin soňky ýyllarda resmi däl duşuşykda aragatnaşyk saklamak, häzirki meseleleri ara alyp maslahatlaşmak we pikir alyşmak üçin 26-njy dekabrda öz kärdeşlerini Sankt-Peterburg şäherine çagyrdy" -diýip, belledi. Bu barada GDA-nyň Ýerine ýetiriji komitetiniň web sahypasynda habar berilýär.
Lebedew 18-nji dekabrda GDA ýurtlarynyň Hökümet baştutanlarynyň adatdan daşary duşuşygynyň hem geçiriljekdigini habar berdi.
“GDA-nyň Hökümet baştutanlarynyň duşuşygy Russiýa Federasiýasynyň başlangyjy bilen adatdan daşary ýygnakdyr. Russiýanyň premýer-ministri Mihail Mişustiniň başlangyjy bilen 18-nji dekabrda Moskwada geçiriler diýlip garaşylýar. GDA ýurtlarynyň premýer-ministrleri ýylyň ahyrynda GDA-nyň işine baha bermek we häzirki meseleleri ara alyp maslahatlaşmak üçin ýygnanarlar diýip, Sergeý Lebedew aýtdy.
ORIENT news
