Türkmen ilçisi Katar Döwletiniň daşary syýasat edarasynyň ýolbaşçysy bilen duşuşdy
Türkmenistanyň Doha şäherindäki ilçisi Myratgeldi Seýitmammedow 12-nji noýabrda Kataryň Daşary işler ministrliginiň Baş sekretary Ahmed bin Hasan Al Hammadi bilen duşuşdy.
Kataryň Daşary işler ministrliginiň metbugat we aragatnaşyk bölüminiň habar bermegine görä, duşuşykda iki ýurduň arasyndaky özara gatnaşyklaryň häzirki ýagdaýy we hyzmatdaşlygyň geljegi ara alnyp maslahatlaşyldy.
Ilçi Seýitmammedow 2023-nji ýylyň awgust aýynda Kataryň Emiri Şeýh Tamim bin Hamad Al Tanä Katardaky diplomatik wekilhananyň başlygy hökmündäki ynanç hatlaryny gowşurdy we bu wezipä resmi taýdan girişdi.
Şu ýylyň mart aýynda Türkmenistanyň Prezidenti Serdar Berdimuhamedowyň Katar Döwletine bolan saparynyň çäklerinde, Türkmenistanyň Doha şäherindäki diplomatik wekilhanasy açylypdy.
ORIENT news
