Türkmen drama teatry Azerbaýjanda TÜRKSOÝ-yň halkara teatr festiwalyna gatnaşýar
Türkmenistanyň Magtymguly adyndaky milli sazly drama teatry Azerbaýjanda geçiriljek ilkinji TÜRKSOÝ-yň halkara teatr festiwalyna gatnaşar. Festiwalyň maksatnamasy 31-nji oktýabrdan 4-nji noýabr aralygynda Baku we Şuşa şäherlerinde geçiriler diýip, Report habar berýär.
Bu çäre birbada birnäçe ýubileý senelerine – TÜRKSOÝ-yň 30 ýyllygyna, Şuşa şäheriniň 2023-nji ýylda «Türki dünýäsiniň medeni paýtagty» hökmünde saýlanmagyna, azerbaýjan halkynyň milli lideri Geýdar Aliýewiň 100 ýyllygyna we Azerbaýjanyň Milli teatrynyň döredilmeginiň 150 ýyllygy bagyşlanýar.
Şuşada geçiriljek festiwalyň çäginde TÜRKSOÝ ýurtlarynyň döwlet teatrlarynyň baştutanlar geňeşiniň 9-njy mejlisi hem geçiriler. Oňa gatnaşmak üçin türki dünýäsiniň meşhur teatr işgärleri Azerbaýjana geler. Ara alyp maslahatlaşmagyň esasy mowzugy doganlyk türk ýurtlarynda teatr sungatynyň ösüşi bolar.
TÜRKSOÝ ýurtlaryndan gelen teatr toparlary – Özbegistandan Samarkandyň sazly drama teatry, Gyrgyzystandan Kasymaly adyndaky Ysyk-Kul welaýatynyň sazly drama teatry, Gazagystandan - Türküstan sazly drama teatry, şeýle hem Türkiýeden Stambul döwlet teatry we Magtymguly adyndaky Türkmen sazly drama teatry öz sahnalaryny festiwalda görkezerler.
ORIENT news
