Türkmen we özbek ýazyjylary Daşkentde duşuşyk geçirdiler
29-njy oktýabrda Özbegistanda Türkmenistanyň Medeniýet günleriniň çäginde Daşkentde türkmen we özbek ýazyjy-şahyrlarynyň döredijilik duşuşygy geçirildi. Özbegistanyň Ýazyjylar birleşiginiň binasynda Gündogaryň beýik akyldary we şahyry Magtymguly Pyragynyň doglan gününiň 300 ýyllygyna bagyşlanan medeni çäre geçirildi.
Çärä iki ýurduň şahyrlary, ýazyjylary, medeniýet we ylmy işgärleri, KHBS-niň wekilleri, şeýle hem Özbegistandaky türkmen diasporasy (Özbegistanda ýaşaýan türkmenler) gatnaşdylar. Ýerli wekiller myhmanlara özbek ýazyjylarynyň gazananlary, döredijiligi we mirasy barada gürrüň berdiler we nusgawy we häzirki zaman türkmen edebiýatynyň özbek dilindäki neşirlerini görkezdiler.
Medeni maksatnamanyň çäginde wekiliýetler Özbegistanyň Ýazyjylar birleşiginiň muzeýine baryp gördüler we ol ýerde Özbegistanyň edebiýatşynalarynyň ýazyjylaryň, şahyrlaryň we edebiýatyň durmuşy we döredijiligi bilen tanyşdyrýan özboluşly eksponatlary - afişalary, arhiw suratlaryny, neşirleri we ýygyndylary bilen tanytşdylar. Türkmenistanyň Medeniýet ministrliginiň web sahypasynda berilýän habara görä, Daşkentdäki “Ýazyjylar seýilgähine” gezelenç hem boldy.
ORIENT news
