Noýabr aýynyň hasyl baýramy, teatr festiwaly, göreş boýunça dünýä çempionaty we beýleki çäreleri
Noýabr aýynda Türkmenistanyň Döwlet simfoniki orkestriniň fransuz we nemes sazandalary bilen bilelikdäki konserti, «Ýaşlar» filminiň ilkinji görkezilşi bolar we Hasyl baýramy mynasybetli dabaraly çäreler guralar. Şeýle hem, indiki aý üçin IV halkara teatr festiwaly we göreş boýunça dünýä çempionaty meýilleşdirilýär.
Wise-premýer Mährijemal Mammedowa şenbe güni ýurdumyzyň ministrler kabinetiniň mejlisinde noýabr aýyndaky köpçülikleýin çäreleriň meýilnamasy barada çykyş etdi.
Mundan başga-da, öňümizdäki aýda welaýatlarda, Aşgabat we Arkadag sebitlerinde forumlar, tegelek stollar we döredijilik çäreleri, şol sanda Magtymguly Pyragynyň doglan gününiň 300 ýyllygyna bagyşlanan çäreler meýilleşdirilýär.
Öň yglan edilen ýaryşlaryň netijeleri jemlener, «Türkmenistan - ylham we saglyk ýurdy» uniwersiadasy, dürli sport ýaryşlary, häzirki zaman koreý sazynyň konserti we koreý filmleriniň görkezilişi guralar diýip, TDH habar berýär.
ORIENT news
