Türkmen kinematograflary “Arkadagyň säheri” film festiwaly barada dokumental film taýýarlaýarlar
Ýaş režissýor Annadurdy Täşliýew ýakyn wagtda 14-15-nji oktýabr aralygynda Türkmenistanda geçirilen “Arkadagyň säheri” atly halkara film festiwaly barada dokumental film görkezer.
Dokumental filmiň üstünde alnyp barylýan işler eýýäm soňky tapgyrynda. Filmde, dürli ýurtlardan myhmanlary çagyrmakdan başlap, festiwalyň ýapylyş dabarasyna çenli türkmen film forumyna taýýarlyk we geçirilişiň ähli tapgyrlary görkeziler. Şeýle hem, filmde bu çärä gatnaşan meşhur artistler bilen eksklýuziw söhbetdeşlikler, şeýle hem Türkmen döwlet medeniýet institutynyň talyplary bilen okuw-sapaklar barada gyzykly suratlar bolar.
“Film diňe bir film festiwalyna däl, eýsem Türkmenistanyň medeniýetine we taryhyna-da bagyşlanýar. Filmde Merwiň we Nusaýyň gadymy şäherleri, şeýle hem däp bolan türkmen sungaty we baý milli tagamlary görkeziler "-diýip, Annadurdy Täşliýew belledi.
ORIENT news
