Aşgabatda italiýan kinosynyň güni geçiriler
Türkmen paýtagtynda Italiýanyň kino güni geçiriler. Görkeziliş dabarasy 28-nji oktýabrda, şenbe güni “Aşgabat” kinoteatrynda sagat 17:00-da bolar.
Italiýanyň Türkmenistandaky ilçihanasy paýtagtyň ýaşaýjylaryny we myhmanlaryny “Ýitirilen we jadyly piramidanyň syry” animasion filmine tomaşa etmäge çagyrýar. Bu, “Gurjak hekaýasy” franşizasyndan ruhlanan iki ýaş animator Françesko Dafana bilen Luka Della Grottanyň ilkinji işidir.
Multfilm 2020-nji ýylda çykdy we poligonda gutaran - ýitirilen we gereksiz zatlar dünýäsindäki kiçijik Spark baradaky hekaýany gürrüň berýär. Ýöne bu ýerde ýalňyzlyk oňa howp salmaýar! Çaltlyk bilen dostlaryny tapýar we taşlanan zatlaryň täzeden zerur bolup biläýjek syrly ýeri bolan jadyly piramidany gözleýär.
Ilçihananyň metbugat beýanatynda "Film durnukly ösüş we tegelek ykdysadyýetiň esasyny düzýän obýektleri we materiallary gaýtadan ulanmak temasyna bagyşlandy" -diýip bellenýär.
ORIENT news
