Saud Arabystany her ýyl «rekord baýrakly gaznalar» bilen kibersport dünýä çempionatyny geçirer
Saud Arabystanynyň şazadasy Muhammed bin Salman öz ýurdunda 2024-nji ýylyň tomsundan başlap her ýyl kibersport ýaryşlaryny geçirip başlajakdygyny habar berdi. Bu ýaryşlarda klublar «rekord baýrak gaznalaryny» gazanmak we «doly dünýä çempiony» diýlip yglan edilmek maksady bilen dürli dersler boýunça bäsleşerler. Bu beýannama baradaky maglumatlar Reuters.com portalynda çap edildi.
Häzirki wagtda bäsleşigiň geçiriljek dersleriniň anyk sanawy belli däl. Şazada «kibersport boýunça dünýä çempionaty Saud Arabystan üçin oýun we kibersport üçin öňdebaryjy global merkez döretmekde indiki möhüm ädimdir», -diýip pikirini beýan etdi. Bu çäreleriň ýurtda syýahatçylygy ösdürmäge we täze iş ýerlerini döretmegine kömek etmegine garaşylýar.
Saud Arabystanynda 2023-nji ýylda eýýäm umumy baýrak gaznasy 45 million dollar bolan Gamers8 festiwaly geçirildi. Mysal üçin, bu festiwalyň çäginde 15 million dollar baýrak gaznasy bilen Dota 2 Riýad Masters 2023 ýaryşy geçirildi.
Saud Arabystanynyň bu başlangyjy ýurtda elektron sportuň we oýun pudagynyň ösüşine ýokary gyzyklanmany görkezýär. Şeýle bäsleşikler halkara klublaryň ýaryşmagy üçin gowy meýdança bolup, zehinli oýunçylaryň ünsüni özüne çeker.
ORIENT news
