TRT AVAZ: Serdar Berdimuhamedow we Rejep Taýyp Erdogan gaz meselesini ara alyp maslahatlaşarlar
Şu hepde, 25-26-njy oktýabr aralygynda Prezidentimiz Serdar Berdimuhamedow Türkiýä resmi sapar edýär.
TRT AVAZ teleýaýlymynyň habar berşi ýaly, saparyň gün tertibiniň iň möhüm meselesi iki ýurduň arasyndaky söwda möçberini artdyrmak bolar.
Şeýle hem, Serdar Berdimuhamedow bilen Rejep Taýyp Erdogan ýene bir meseläni – «Aziýa bilen Ýewropanyň arasynda energiýa geçirişiniň täze çeşmesi» bolan türkmen gazyny ara alyp maslahatlaşar.
Mundan başga-da, Hazaryň iki tarapynyň arasyndaky ulag kuwwatyny ýokarlandyrmak we Hytaýdan Ýewropa söwda mukdaryny artdyrmakda Türkiýäniň orny ýaly meseleler ara alnyp maslahatlaşylar.
Türkiýäniň we Türkmenistanyň hökümetleriniň 2022-nji ýylda geçirilen hökümetara komissiýanyň mejlisinde dürli ugurlar boýunça 72 maddadan ybarat «ýol kartasy» ylalaşyldy diýip, TRT AVAZ belleýär.
ORIENT news
