Şu gün "Ahal" futbol topary myhmançylykda Özbegistanyň "Pahtakory" bilen duşuşar
Türkmenistanyň “Ahal” futbol topary Aziýanyň Çempionlar ligasynyň düzümindäki 3-nji aýlawyň oýunlarynda Özbegistanyň “Pahtakor” topary bilen duşuşmak üçin Daşkent şäherine ugrady. Bu barada futbol topary habar berýär.
Duşuşyk şu gün – 24-nji oktýabrda “Bunýodkor” stadionynda Aşgabat wagty bilen sagat 19:00-da başlaýar.
Serdar Geldiýewiň tälim berýän topary bu duşuşyga 3 utuk bilen barýarlar. Türkmenistanyň topary Saud Arabystanynyň "Al-Feýhini" 1 utuk bilen ýeňen hem bolsa, BAE-niň "Al-Aýn" toparyndan myhmançylykda 4:2 hasabynda asgyn geldi.
"Ahalyň" garşydaşy "Pahtakor" geçiren 2 duşuşygyndan hem ýeňlip, onuň häzirki wagtda hiç-hili utugy ýok. Özbek futbol topary ilki öz ýerinde "Al-Aýndan" uly hasap bilen ýeňlip, myhmançylykda "Al-Feýhadan" asgyn geldi.
Häzirki wagtda "A" toparçada 6 utuk bilen "Al-Aýn" topary ýokardaky orny eýeleýär. Ikinji we üçünji orunlary hersi 3 utuk toplap, "Ahal" we "Al-Feýha" toparlary paýlaşýarlar. "Pahtakor" toparçada biraz yza galýar.
ORIENT news
