Türkmenistan Eýrana gaz iberilişini 15 – 20 milliard kub metre ýetirip biler
Türkmenistanyň Eýrana iberýän gazynyň möçberini 2030-njy ýyla çenli 15 – 20 milliard kub metre ýetirmäge mümkinçiligi bar. Häzirki wagtda bu babatdaky günlük görkeziji 10 million kub metre ýetýär. Iki ýurduň arasynda gaz babatda baglaşylan täze şertnama bu görkezijini 4 esse artdyrmaga mümkinçilik berer.
Şeýle garaýyşy Eýranyň energetika boýunça bilermeni Mohammad Reza “Qudsonline” neşirine beren beýanatynda mälim etdi.
Onuň pikiriçe, gaz hyzmatdaşlygyny işjeňleşdirmek arkaly Türkmenistanyň Eýrana iberýän tebigy gazynyň möçberini 15 – 20 milliard kub metre ýetirmäge mümkinçiligi bar. Uzak geljegi göz öňünde tutsaň, Eýranyň Türkmenistandaky nebitgaz ýataklaryny özeşdirmek mümkinçiliklerine garaýar.
Onuň bellemegine görä, Türkmenistan hususan-da, gyş aýlarynda Eýrandaky gaz ýetmezçiliklerini dolmakda möhüm orny eýeleýär. Gazyň iberilmegi ykdysady bähbitlerden daşary, sebitde energetika howpsuzlygynyp üpjün edimegine ýardam edýär.
Eýranyň özi hem energiýa serişdelerini geçiriji merkeze öwrülýär. Bu ýurt gazy satyn almak bilen, ony Türkiýä, Yraga, Azerbaýjana we Ermenistana eksport edýär.
ORIENT news
