Aşgabatda žurnalistler üçin metbugat sowatlylygy okuwy geçirildi
Türkmenistanda 19-njy oktýabrdan 20-nji oktýabr aralygynda Aşgabatdaky ÝHHG merkezi tarapyndan guralan metbugat sowatlylygy boýunça okuw geçirildi.
Okuwyň maksady metbugat sowatlylygynyň derejesini ýokarlandyrmak, şeýle hem metbugat pudagynda seljeriş ukyplaryny ösdürmekdi.
Aşgabatdaky ÝHHG merkeziniň başlygy Jon MakGregor bu çäräni açyp, türkmen auditoriýasynyň arasynda bilimleri giňeltmek üçin şeýle okuwlaryň geçirilmeginiň möhümdigini belledi.
Okuw metbugat sowatlylygy boýunça iki tejribeli hünärmen: Moldowaly Nadežda Gogu we Ermenistandan wideo aragatnaşyk ulgamy arkaly okuwa gatnaşan Gegam Wardanýan tarapyndan geçirildi.
Çykyş edenleriň her biri häzirki zaman media gurşawy, metbugat mazmunynyň görnüşleri, täzelikleri saýlamak, obýektiwlik we ýalan maglumata garşy göreş bilen baglanyşykly käbir mowzuklara ünsi jemledi.
Okuwda, gatnaşyjylar köpçülikleýin habar beriş serişdeleriniň sowatlylygynyň esasy düşünjelerini we görnüşlerini öwrendiler, galp habarlary we ýalňyş maglumatlary tanamagyň we olara garşy göreşmegiň usullaryny öwrendiler, şeýle hem öz media önümlerini döretmek usullary bilen tanyşmaga mümkinçilik aldylar. Şeýle hem, okuw interaktiw maşklary, oýunlary, çekişmeleri we keýsleri öz içine aldy.
Guramaçylaryň we hünärmenleriň pikiriçe, metbugat sowatlylygy okuwy Türkmenistanda žurnalistika işiniň kämilleşdirilmegine, şeýle hem köpçüligiň arasynda metbugata jogapkärçilikli we habarly garaýşy ösdürmäge gönükdirilendir.
Okuw tamamlanandan soň, gatnaşyjylaryň hemmesine guramaçylardan diplomlar gowşuryldy.
ORIENT news
