Türkmenistandan gelen ýaş küşt rysarlarynyň we Şa gyzlarynyň Müsürde geçiriljek dünýä çempionatynda nähili bäsleşýändigine tomaşa ediň
16-njy oktýabrda Müsüriň Şarm el-Şeýh şäherinde açylan 8, 10 we 12 ýaşa çenli oglanlar we gyzlar üçin küşt boýunça dünýä çempionatyna, Türkmenistandan we başgada 67 ýurtdan 500-den gowrak gatnaşyjy ýygnady.
Ýurdumyzdan üç sany gyz - Dünýa Ruslanowa (8 ýaşa çenli), Perwana Serdarowa (10 ýaşa çenli) we Nebahat Myradowa (12 ýaşa çenli) we üç oglan Maksat Öwliýägulyýew (8 ýaşa çenli), Alyhan Batyrow ( 10 ýaşa çenli) we Rauf Ýusupow (12 ýaşa çenli) dagylar gatnaşdy.
Lebap welaýatynyň mekdebiniň okuwçysy Nebahat Myradowa oýuna gowy başlangyç bilen başlady. Elo reýtinginde (iki oýunçy üçin oýunlarda deňeşdirilen güýji hasaplamagyň usuly) uly tapawudyna garamazdan, Zumrat Achylowanyň topary güýçli garşydaşlar bolan Gazagystandan Aýlin Zarkym we Wengriýaly Kiss Inezden üstün çykmagy başardy.
Munuň bilen Nebahat reýtingleriň diňe sanlardygyny subut etdi. Emma üçünji tapgyra Gazagystanyň başga bir türgeni Mariýa Halýawkodan utuldy we şu wagta çenli mümkin bolan 3 utuşdan 2 utuş gazandy.
Rauf Ýusupow hem oýunlara oňat başlady. Birinji we üçünji tapgyrda Elo reýtingi 1500 bolan Rauf güýçli garşydaşlaryny çehiýaly Mik Tomasy (Elo reýtingi - 1944) we Meksikaly Flores Martinesi (Elo reýtingi - 1777) ýeňdi. Ikinji tapgyra ol, Russiýadan gelen garşydaşy Ruslan Minhajarowdan ýeňildi (Elo reýtingi - 1905).
Alyhan Batyrowyň hem 2 utuşy bar. Rauf we Alyhan Türkmenistanyň ussat tälimçisi Ejegyz Ýalkanowadan tälim alýarlar.
Galan gatnaşyjylarymyz - Dünýä Ruslanowa, Perwana Serdarowa we Maksat Öwliýägulyýew mümkin bolan 3 utuşdan 1.5 utuş toplap, 50% netije bilen gelýärler.
ORIENT news
