Dubaýda gyşky söwda festiwaly gaýtadan geçirilip başlanar
Öňdäki gyşda söwda etmegi gowy görýänler Dubaýda geçiriljek belli söwda festiwalyna gatnaşyp bilerler. Onda uly arzanladyşlar bolýar. Dubaýyň bölek haryt we festiwallary dolandyryş müdirliginiň habar bermegine görä, söwda festiwaly şu ýylyň 8-nji dekabry we geljek ýylyň 14-nji fewraly aralygynda dowam eder.
Şu ýyl 29-njy gezek geçiriljek festiwal öňkülerden hem has giň gerimli bolar. Onuň geçirilýän ünlerinde Dubaýyň ähli ýerinde dynç alyş we çäreleri, aýdym-saz konsertleri we “Sole DXB” diýlip atlandyrylýan köçe medeniýetiniň festiwaly geçiriler. Myhmanlara şeýle hem, artistleriň çykyşlary, basketbol oýunlary, leksiýalar we dürli görnüşli sungat çäreleri garaşýar.
Festiwalyň çäklerinde dünýä belli brendleriň önümleriniň arzanladyşlary bilen birlikde, gyzgalaňly söwda çäreleri we feýerwerk şüweleňi guralar.
ORIENT news
