Mejlisiň deputatlary Fransiýa sapar bilen barar
Türkmenistanyň Fransiýa Respublikasyndaky ilçisi Maksat Çaryýew “Merkezi Aziýa – Fransiýa” parlamentara toparynyň başlygy, Respublikanyň senatory Erwe Moreeý bilen ýurdumyzyň Mejlisiniň wekilleriniň saparyny guramak mümkinçiliklerini maslahatlaşdy.
Ikitarapaýyn duşuşygyň barşynda türkmen tarapy özara hyzmatdaşlygy mundan beýläk-de ösdürmäge gyzyklanma bildirdi. Şunuň bilen baglylykda, birnäçe çäreleri, özara saparlary şol sanda Türkmenistanyň Mejlisiniň wekiliýetiniň Fransiýa saparyny guramak pikirleri öňe sürüldi.
Senator türkmen tarapynyň teklibini uly gyzyklanma bildirip kabul etdi. Onuň bellemegine görä, Mejlisiň deputatlarynyň sapary Türkmenistanda ýaýbaňlandyrylan özgertmelere düşünmäge we baha bermäge, şeýle hem iki ýurduň arasynda parlamentara hyzmatdaşlygyny ösdürmäge amatly şertleri döreder.
Türkmen tarapy Türkmenistanda durmuşa geçirilýän özgertmeler we ikitaraplaýyn gatnaşyklaryň geljegi barada giňişleýin durup geçdi.
ORIENT news
