Türkmenistanyň we Nižniý Nowgorodyň işewürlik wekilleriniň saparlary guralar
Türkmenistanyň Kazan şäherindäki Baş konsuly Güýç Garaýewiň ýolbaşçylygyndaky türkmen wekiliýeti Russiýa Federasiýasynyň Nižegorod oblastynyň dolandyryş edarasynyň ýolbaşçylary bilen duşuşdylar we özara gyzyklanma bildirilýän ugurlary maslahatlaşdylar diýip, “Wremýa N” habarlar agentligi mälim edýär.
Taraplar maşyn gurluşygy, metallurgiýa, energetika we ulag ugurlarynda üstünlikli ösdürilýän hyzmatdaşlygy nygtadylar. Medeniýet we bilim ulgamyndaky özara gatnaşyklara aýratyn üns çekildi. Türkmenistanyň we Russiýa Federasiýasynyň Nižegorod oblastynyň arasynda bar bolan gatnaşyklary mundan beýläk-de ösdürmäge taýýardyklary mälim edildi.
Nižegorod oblastynyň halkara we sebitara gatnaşyklar boýunça ministri Olga Gusýewanyň bellemegine görä, Nižniý Nowgorod şäherinde 600-den gowrak türkmen talyby bilim alýar. Türkmen ýaşlary şäherde geçirilýän dürli çärelere hem işjeň gatnaşýarlar.
Gepleşiklerde Türkmenistan bilen Nižegorod obalstynyň arasynda işewür wekilleriň özara saparynyň guralmagynyň meýilleşdirilýändigi nygtaldy. Nygtalyşy ýaly, ýurtlaryň arasynda bilim ulgamyndaky hyzmatdaşlyk üçin baý mümkinçilikler bar.
ORIENT news
