“Netflix” öz seriallaryna ýöriteleşen restoranlary we dükanlary açar
Amerikanyň Birleşen Ştatlarynyň “Netflix” kompaniýasy offlaýn görnüşde öz önümlerini halk köpçüligine ýetirmegi maksat edinýär. Munuň üçin, 2025-nji ýylda kompaniýa öz seriallarynda görkezilýän önümleriň satuwy bilen meşgullanýan dükanlaryň zynyjyryny, şeýle hem şu mowzukda şöhlelendirilen restoranlary açmagy göz öňünde tutýar. Bu ýerlerde kompaniýanyň öndüren kinoserillaryndan hem lezzet alyp bolar.
“Netflix House” diýlip atlandyryljak bu ýerler soňlugy bilen dünýäniň ähli ýerinde açylar. “Netflix-iň” Baş direktory Ted Sarandosyň bellemegine görä, kompaniýanyň önümleriniň muşdaklarynda ýatdan çykmajak duýgulary oýarmakdan ybaratdyr.
Netfliksiň öýlerinde dürli görnüşli önümleriň giden toplumy hödürlener. Olaryň çäklerinde garbanyşhanalarda hem kompaniýanyň seriallarynda görkezilýän iýmit we içgi önümleri satylar.
ORIENT news
