Buharestde türkmen-rumyn gepleşikleri geçirildi
17-nji oktýabrda Buharestdäki türkmen diplomatik wekilhanasynda Türkmenistanyň Rumyniýadaky ilçisi Annamämmet Annaýew parlamentara türkmen-rumyn dostluk toparynyň Rumyniýa böleginiň egindeş başlygy Ankuetil Kolçar bilen duşuşdy. Bu barada Türkmenistanyň Daşary işler ministrliginiň metbugat gullugy habar berýär.
Taraplar ikitaraplaýyn hyzmatdaşlygyň häzirki meselelerini, mundan beýläkki hyzmatdaşlygyň geljegini ara alyp maslahatlaşdylar. Syýasy-diplomatik, söwda-ykdysady, ýangyç-energetika, ulag-aragatnaşyk we medeni-ynsanperwer ugurlar hyzmatdaşlygyň ileri tutulýan ugurlary hökmünde kesgitlenildi. Parlamentara derejesindäki özara oňyn täsirler bellendi.
Medeni we ynsanperwe r alyş-çalyşlar arkaly gatnaşyklary pugtalandyrmak üçin taraplar türkmen şahyry we akyldary Magtymguly Pyragynyň doglan gününiň 300 ýyllygy mynasybetli bilelikdäki çäreleri geçirmek barada ylalaşdylar.
ORIENT news
