Kataryň uniwersiteti Türkmenistanyň ýokary okuw mekdepleri bilen hyzmatdaşlyk etmäge taýýar
Türkmenistanyň Katar Döwletindäki ilçisi Myratgeldi Seýitmämmedow Doha şäherindäki Kataryň uniwersitetine baryp, ýokary okuw mekdebiniň rektory Hasan Raşid Al-Derham bilen duşuşdy. Bu barada Türkmenistanyň Katar Döwletindäki ilçihanasy habar berýär.
Duşuşygyň barşynda katar tarapy uniwersitetde hünärmenleri taýýarlamagyň ugurlary we mümkinçilikleri barada giňişleýin tanyşdyrdy. Katar uniwersitetiniň rektory türkmen diplomatyna Türkmenistanyň ýokary okuw mekdepleri bilen ylym-bilim pudagynda hyzmatdaşlyk etmäge taýýardygyny mälim etdi.
Kataryň uniwersiteti ýurduň iň iri we Aarp ýarym adasynda iň gowy ýokary okuw mekdepleriniň biridir. 1973-nji ýylda esaslandyrylan ýokary okuw mekebinde 11 fakultet bolup, bu ýerde 30 müň töweregi talyp bilim alýar. Uniwersitetiň rektorynyň mälim etmegine görä, ýokary okuw mekdebi dünýäde iň öňdebaryjylaryň biri hökmünde ady ýygy-ýygydan agzalýar.
ORIENT news
