BAE-den Hindistana suwasty otlyny ýola goýmagy meýilleşdirýärler
BAE Hindistan bilen birleşdirjek suwasty demir ýoluny gurmagy meýilleşdirýär. Taslamada, otlynyň Hindi ummanynyň düýbünden, Emiratyň Fujeýra şäherinden Hindistanyň Mumbay şäherine çenli 2000 km uzaklykda geçmegi göz öňünde tutulýar.
Otlynyň hereket etjek tuneli aç-açan materiallardan ýasalar, ýolagçylar suwasty dünýäsiniň görnüşlerinden lezzet alyp bilerler.
Şeýle-de bolsa, taslamanyň maksady diňe bir jahankeşdeleri çekmek däl, eýsem ykdysady peýdalary hem üpjün etmekdir. Häzirki wagtda bu şäherleriň arasyndaky uçuş, hasaba alynmak we howa menzilinde garaşmak üçin wagty hasaplamazdan takmynan 3 sagat wagty sarp etmegi talap edýär. Otly bu ýoly 2 sagatda geçip biler, sebäbi onuň tizligi sagatda 1000 km ýeter.
Mundan başga-da, suwasty demir ýol BAE bilen Hindistanyň arasynda ýük daşamagyň tizligini hem ýokarlandyrar we çykdajylary azaldar. BAE Hindistana nebit eksport edip biler we Hindistan Narmada derýasyndan BAE-ne süýji suw import eder.
Taslama häzirki wagtda tehniki-ykdysady esaslandyryş tapgyrynda. Onuň bahasy we durmuşa geçiriliş wagty belli däl. Ýöne bu baradaky maglumatlaryň metbugatda peýda bolandygyna seretsek, taslamanyň durmuşa geçirilmek mümkinçiligi bardyr.
ORIENT news
