Halkara awtoulaglar birleşiginiň ýolbaşçysy Türkmenistanyň we Eýranyň ýollarynyň geçirijiligine ýokary baha berdi
Halkara awtoulaglar birleşiginiň Baş sekretary Umberto de Pretto Hytaýy Ýewropa bilen birleşdirýän Gündogar - Günbatar ugrunyň Türkmenistanyň we Eýranyň çäklerind egeçýän günorta şahasynyň geçirijilik mümkinçiliklerine ýokary baha berdi.
Onuň sözlerine görä, öňdebaryjy tejribeleriň we sanly TIR ulgamynyň ornaşdyrylmagy, gümrük we serhetüsti geçmek işiniň ýeňilleşdirilmegi wagty tygşytlamaga we ulag geçelgesiniň geçirjiligini has-da ýokarlandyrmaga şert döreder. Bu barada ol Ženewa şäherinde Eýranyň Gümrük administrasiýasynyň başlygy Mohammed Rezwanifarom bilen bolan duşuşygynda mälim etdi.
Taraplar Eýranyň möhüm geografik şertlerini we onuň Ykdysady hyzmatdaşlyk guramasynyň çäklerindäki we sebitdäki işjeň ornuny nazara almak bilen, halkara logistika zynjyryndaky soňky wakalary ara alyp maslahatlaşdylar.
Gümrük we onuň bilen bagly işleriň sanlylaşdyrylmagym bitewi dolandyryş ulgamyna geçilmegi, TIR-EPD "ýaşyl" zolaklarynyň döredilmegi serhetlerdäki ýük awtoulaglarynyň dykynyny aradan aýyrmaga we üstaşyr geçirilýän ýükleriň möçberini artdyrmaga mümkinçilik döretdi. Taraplar bu ugurdaky işleri geljekde ilerletmek ugrunda hyzmatdaşlyk etmäge taýýardyklaryny mälim etdiler.
Türkmenistanyň Döwlet gümrük gullugy hem "ASYCUDA World" ulgamy arkaly gümrük maglumatlarynyň içerki awtomatiki dolandyrylmagy arkaly TIR-EPD maglumat ulagmyny 2022-nji ýylda işe girizdi.
ORIENT news
