Türkmen halkynyň Milli Lideri Arkadag şäherinde berlen sadaka gatnaşdy
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Arkadag şäheriniň ikinji tapgyrynyň tutumly gurluşyklarynyň başlanmagyna ak pata bermäge, 1948-nji ýylyň Aşgabat ýertitremesiniň pidalaryny, ähli uruşlaryň söweş meýdanlarynda wepat bolan gahrymanlarymyzy ýatlap, olaryň ruhuna aýat-töwirleriň okalmagyna, şeýle hem Owganystanda ýakynda bolup geçen ýertitremede wepat bolanlary hatyralamaga bagyşlanyp berlen sadaka gatnaşdy
"Pederlerimiz «Söýenişen ýykylmaz» diýipdirler. Birek-birege goldaw bermek öňden gelýän asylly ýörelgedir. Röwşen geljegimiz, abadançylygymyz, bagtyýar durmuşymyz üçin şeýle asylly kadalara eýermek parzdyr. Bu däp-dessurlarymyzy geljekde ýaşlarymyz hem dowam ederler" diýip, Gurbanguly Berdimuhamedow aýtdy.
Sadaka Arkadag şäherindäki “Märkaw” myhmanhanasynda berildi. Türkmenistanyň müftüsi tebärek çykdy. Däbe görä, sadaka gatnaşyjylara dürli milli naharlar çekildi. Duz-tagam dadylandan soňra, aýat-töwir edildi. Sadaka tamamlanandan soňra, oňa gatnaşyjylar Gökdepe metjidine ugradylar. Bu ýere ýygnananlar namaza durmazdan ozal, metjitde goýlan mukaddesliklere tagzym etdiler. Bu ýerde bina edilen metjitde juma namazy okaldy.
ORIENT news
