Türkmenistanyň döwlet Baştutany GDA boýunça kärdeşlerini Bitaraplyk institutynyň döredilmegine goldaw bermäge çagyrdy
Prezident Serdar Berdimuhamedow anna güni Bişkekdäki GDA-nyň döwlet Baştutanlarynyň Geňeşiniň mejlisinde eden çykyşynda kärdeşleriniň ünsüni BMG-de türkmen tarapynynyň başlangyjy bilen döredilen Bitaraplyk dostlary toparynyň köptaraplaýyn hyzmatdaşlygyny mundan beýläk-de pugtalandyrmak çärelerine gönükdirdi.
Türkmenistan bu toparyň indiki ýokary derejeli ýygnagyny şu ýylyň dekabrynda Aşgabatda geçirmegi şeýle-de, 2024-nji ýylda Halkara konferensiýa guramagy teklip edýär we ýokarda ady agzalan başlangyjyň çäginde GDA-nyň agza ýurtlaryň arasynda işjeň işleşmäge umyt baglaýar, diýip, döwlet Baştutany belledi.
Serdar Berdimuhamedow Bitaraplyk we howpsuzlyk meseleleri boýunça seljerme gözlegleri üçin täsirli platforma üçin döredilen Bitaraplyk we howpsuzlyk institutyny döretmek mümkinçiligini ara alyp maslahatlaşmakda, ýurtlaryň bähbitleriniň gabat geljekdigine ynam bildirdi. Türkmenistanyň Prezidenti munuň üçin Aşgabatda ähli zerur infrastrukturany we şertleri üpjün etmäge taýýardygyny tassyklady.
ORIENT news
