Dünýä çempionatynyň öň ýanynda Eýranda geçirilen ýaryşda Saparmyrat Atabaýewiň küşt het-trigi
Türkmenistanly küştçi, halkara küşt ussady Saparmyrat Atabaýew 5-11-nji oktýabr aralygynda Eýranyň Ahwaz şäherinde geçirilen 1st Neyshekar halkara ýaryşynda ýeňiji boldy.
Mümkin bolan 9 utuşdan 7.5 utuş toplap, Saparmyrat iň ýakyn bäsdeşi, Eýranyň halkara grossmeýsteri Masud Musadehpurdan 2 utuk öňde boldy.
Saparmyrat ikinji grossmeýster kadasyny hem ýerine ýetirdi we häzirki reýtingi 2477 bolan FIDE reýting sanawynda türkmen küşt oýunçylarynyň arasynda birinji ýeri eýeledi. Şeýlelik bilen, bu ýaryşda onuň küşt “het-trik”-ini alandygyny aýdyp bileris.
Saparmyradyň uly dogany, halkara grossmeýster Maksat Atabaýew birneme şowsuz oýun bilen, 4,5 bal gazanyp, goşmaça görkezijiler boýunça 4-nji ýeri eýeledi.
Tegelek esasda geçirilen bu ýaryşa üç sany halkara grossmeýster, dört halkara ussady, bir FIDE ussady we Eýrandan iki milli ussat ýaly 10 küştçi gatnaşdy.
Indi Saparmyrat ýylyň ahyrynda geçiriljek we dünýäniň iň güýçli küşt oýunçylarynyň, şol sanda dünýä reýting sanawynyň lideri Magnus Karlseniň gatnaşjak çalt we blits küşt boýunça dünýä çempionatyna taýýarlyk görmekçi.
ORIENT news
