Mary welaýatynyň häkimi we Beýik Britaniýanyň ilçisi syýahatçylyk pudagynda hyzmatdaşlygy ara alyp maslahatlaşdylar

Oktýabr 13, 2023 | 15:01 |8208

Çeşme: instagram.com/ukinturkmenistan

Beýik Britaniýanyň Türkmenistandaky ilçisi Stiwen Konlon Mary welaýatyna saparynyň barşynda häkim Begençmyrat Orazow bilen duşuşdy.

Duşuşygyň barşynda taraplar Türkmenistan bilen Beýik Britaniýanyň arasyndaky medeni gatnaşyklary, şol sanda syýahatçylyk pudagynda hyzmatdaşlyk mümkinçiliklerini maslahatlaşdylar diýip, ilçihananyň metbugat gullugy habar berýär.

Saparynyň barşynda britan ilçisi "Gadymy Merw" taryhy-medeni goraghanasyna, "Gurbanguly hajy" metjidine, Mary welaýatynyň taryhy we ülkäni öwreniş muzeýine baryp gördi.

Bu ýerde adamzadyň bütindünýä mirasynyň sanawyna girizilen Gadymy Merwiň taryhy we medeniýeti barada diplomata gürrüň berildi.

ORIENT news

Mary welaýatynyň häkimi we Beýik Britaniýanyň ilçisi syýahatçylyk pudagynda hyzmatdaşlygy ara alyp maslahatlaşdylar

Beýleki habarlar

Russiýa, Ukraina we ABŞ Abu-Dabidäki gepleşikleriň ilkinji gününi tamamladylar

Hytaýda tupan wagtynda gark bolan ýük gämisiniň 14 deňizçisiniň ählisi halas edildi

Hytaý bilen Türkiýe ýaşyl energetika hyzmatdaşlygyny ara alyp maslahatlaşdy: ýurda on ýylda goşmaça 100 GW kuwwat gerek bolar